Transcription
1
Monsegnieur, estant arrivé à Pertuys du septiesme de ce moys, je nay pu
2
avancer le depart du segnieur Alphonce, lequel estoit la part de monsegnieur
3
le comte de Tende jusques au unziesme quaiant ledict sieur colonnel receu
4
les passeports necessaires au passage de ses troupes par le comté, il vint
5
hyer à Coirroy et ce jourdhuy en ceste ville de Gatz où jay heu cest honneur
6
fère la reverence et offrir humble service à messegnieurs d’Apt et de
7
St Sernin, lesquelz sont en très bonne sancté et nont daigné eux servir de
8
ma personne et moyens pour vous rendre leurs lettres, ayans plus comode
9
le depart de mondict segnieur Alphonce allant vers vous. Monsegnieur
10
le cardinal d’Armagnac a dressé notre chemin par Moutier et de
11
là à Pioulenq dont jespère venir jeudy aidant Dieu avec ces dictes
12
troupes au lieu de St Pol forvoyant Pierrelate ; et prenant le chemin
13
de Donzère et Montelymard, icelles rendre dimanche dixneufviesme
14
du present au lieu de Loriol comme il vous a pleu me commander. Jay veu jusques
15
icy telle pollice et discipline en ses compagnies que je masseure que les habitans
16
des lieus où le passage se dressera ne vous pourront avec occasion envoyer aucunes
17
plainctes. Je noblierey aller demain la part de madame de Caseneufve pour
18
luy fère la reverence et recepvoir ses commandemens et ne faudrey vous tenir
19
adverty de ce que se passera. Sur ce, monsegnieur, attendant estre honnoré
20
de plus en plus de voz commandemens et du très humble et fidelle service que je
21
desire vous rendre à jamays, je prierey Dieu
22
Monsegnieur vous donner en sancté et prosperité acomplissement de voz
23
desirs. De Gapt, ce XIIe octobre 1572
24
Votre très humble et très obeyssant serviteur
25
à jamais
26
de Buffevant
27
Le segnieur Petro Marie, cappitaine deune de ses compagnies
28
survenant à la closture de la presente, ma requis dune
29
grandissime affection vous offrir de sa part très humble
30
service